ಲೇಖಕರು: ರವಿ ಬೆಳಗೆರೆ

ಕನ್ನಡದ ವೈಬ್ರೆಂಟ್ ಪತ್ರಕರ್ತ ಮತ್ತು ಲೇಖಕ ರವಿ ಬೆಳಗೆರೆ. ತಮ್ಮ ಸೂಜಿಮೊನೆಯಂತಹ ಬರವಣಿಗೆಗಳಿಂದ ಸಾಕಷ್ಟು ಯುವ ಮನಸ್ಸುಗಳನ್ನ ತಟ್ಟಿದ ಬರಹಗಾರ ರವಿ. ಹಾಯ್ ಬೆಂಗಳೂರು ಪತ್ರಿಕೆ, ಸಿನೆಮಾ ನಟನೆ, ಕಿರುತೆರೆ, ಸಾಮಾಜಿಕ ಕಾರ್ಯಗಳು ಹೀಗೇ ದೈತ್ಯನಂತೆ ಕೆಲಸ ಮಾಡುವ ರವಿ ಕನ್ನಡದ ಅಪರೂಪದ ಪ್ರತಿಭೆ. ರವಿ ಬೆಳೆಗೆರೆಯವರ ಪಾ ವೆಂ ಹೇಳಿದ ಕತೆ ಸಂಕಲನದಿಂದ ಮಸೀದಿ ಬಿದ್ದ ಮೂರನೇ ದಿನ ಕತೆಯನ್ನ ಆಯ್ದುಕೊಂಡಿದ್ದೇವೆ. ಇತಿಹಾಸ ಮತ್ತು ಪ್ರಾಚ್ಯಶಾಸ್ತ್ರದಲ್ಲಿ ಎಂ.ಎ., ಮಾಡಿದ್ದಾರೆ. `ಪ್ರಾರ್ಥನಾ` ಇವರು ಕಟ್ಟಿರುವ ಶಾಲೆ. ಎರಡು ಬಾರಿ ರಾಜ್ಯ ಸಾಹಿತ್ಯ ಅಕಾಡೆಮಿ ಪ್ರಶಸ್ತಿಗಳು ಬಂದಿವೆ. ಹಿರಿಯರಾದ ಶಿವರಾಮ ಕಾರಂತರ ಹೆಸರಿನ ಎರಡು ಪ್ರಶಸ್ತಿಗಳನ್ನು ಪಡೆದಿದ್ದಾರೆ. ಕರ್ನಾಟಕ ಮಾಧ್ಯಮ ಅಕಾಡೆಮಿಯವರು ಪತ್ರಿಕೋದ್ಯಮದಲ್ಲಿನ ಇವರ ಸಾಧನೆಗೆ ಪ್ರಶಸ್ತಿ ನೀಡಿದ್ದಾರೆ. ಅಂತೆಯೇ ಕರ್ನಾಟಕ ರಾಜ್ಯ ಸರ್ಕಾರವು ಇವರಿಗೆ ರಾಜ್ಯೋತ್ಸವ ಪ್ರಶಸ್ತಿ ನೀಡಿದೆ.