ಕೇಳಿ ಕತೆಯ- ಕನ್ನಡದ ಸಣ್ಣ ಕತೆಗಳ ಮೊಟ್ಟ ಮೊದಲ ಆಡಿಯೊ ಪುಸ್ತಕ!!

ಕನ್ನಡದ ಅತ್ಯುತ್ತಮ ಕತೆಗಳನ್ನ ಆಡಿಯೋ ಬುಕ್ ರೂಪದಲ್ಲಿ ಜಗತ್ತಿನೆದುರು ತೆರೆದಿಡುವ ಪ್ರಯತ್ನ- ಕೇಳಿ ಕತೆಯ. ಪ್ರತಿಭಾವಂತ ಕತೆಗಾರರು ಬರೆದ ಬೇರೆ ಬೇರೆ ಪ್ರಕಾರದ ವಿಶಿಷ್ಠ ಕತೆಗಳನ್ನ ಈ ಆಡಿಯೋ ಬುಕ್ ಯೋಜನೆಗೆ ಆರಿಸಿಕೊಳ್ಳಲಾಗಿದೆ. ವಿಶೇಷವೆಂದರೆ ಕನ್ನಡ ಚಿತ್ರರಂಗದ ಖ್ಯಾತನಾಮರು ಈ ಕತೆಗಳಿಗೆ ದನಿಯಾಗಿದ್ದಾರೆ. ಇಂತಹ ಕತೆಗಳಿಗೆ ಯುವ ಪ್ರತಿಭಾವಂತ ಸಂಗೀತ ನಿರ್ದೇಶಕರು ಸಂಗೀತ ಸಂಯೋಜನೆ ನೀಡುವ ಮೂಲಕ ಈ ಕತೆಗಳಿಗೆ ಇನ್ನೊಂದು ಆಯಾಮ ನೀಡಿದ್ದಾರೆ. ನಿಮಗೆ ಖಂಡಿತ ಇಷ್ಟವಾಗುವ ಈ ಆಡಿಯೊ ಕತೆಗಳನ್ನ ಕೇಳಿಕತೆಯ ಅಂತರ್ಜಾಲ ತಾಣದಲ್ಲಿ ಡೌನ್ ಲೋಡ್ ಮಾಡಿಕೊಳ್ಳಬಹುದು.

ಕೇಳಿ ಕತೆಯ ಯೋಜನೆಗೆ ಕತೆಗಳನ್ನ ಹೇಗೆ ಆಯ್ದುಕೊಳ್ಳಲಾಗಿದೆ? 

ಕನ್ನಡದಲ್ಲಿ ಸಾವಿರಾರು ಸಣ್ಣ ಕಥಾ ಸಂಕಲನಗಳು ಪ್ರಕಟವಾಗಿವೆ. ಈ ಕಥಾ ಸಾಗರದಲ್ಲಿ ಕೆಲವೇ ಕತೆಗಳನ್ನ ಆಯುವುದು ಸುಲಭಸಾಧ್ಯವಲ್ಲ. ಆದರೆ ಕತೆಯ ಆಯ್ಕೆಯಲ್ಲಿ ಸಾಕಷ್ಟು ವೈವಿಧ್ಯತೆಯನ್ನು ಕಾಪಾಡಿಕೊಳ್ಳಲಾಗಿದೆ. ಹಿರಿ ಮತ್ತು ಕಿರಿ ಬರಹಗಾರರ ಸಮ್ಮಿಲನ ಇಲ್ಲಿದೆ.    

ಕನ್ನಡ ಆಡಿಯೊ ಬುಕ್ ನ ವಿಶೇಷತೆ ಏನು??
ಸಾಹಿತಿಗಳು ಮತ್ತು ಚಿತ್ರ ನಟರು ಒಟ್ಟಾಗಿ ಬೆಂಬಲಿಸಿದ ಈ ಯೋಜನೆ ಕನ್ನಡದಲ್ಲೇ ಮೊದಲು
 ಈ ಕತೆಗಳನ್ನ ನೀವು ಕೇಳಿದಾಗ ಕತೆಯ ಆಯ್ಕೆ, ಧ್ವನಿಯ ಗುಣಮಟ್ಟ, ಹಿನ್ನೆಲೆ ಸಂಗೀತಕ್ಕೆ ಪಟ್ಟ ಶ್ರಮ ನಿಮ್ಮ ಅರಿವಿಗೆ ಬರಲಿದೆ.  

 ಈ ಯೋಜನೆಯ ಇನ್ನೊಂದು ವಿಶೇಷವೆಂದರೆ  ಇಲ್ಲಿನ ಆಡಿಯೋ ಕತೆಗಳ ಮಾರಾಟದಿಂದ ಬಂದ ಸಂಪೂರ್ಣ ಲಾಭವನ್ನ ಗಡಿನಾಡ ಕನ್ನಡ ಶಾಲೆಯ ಹೆಣ್ಣುಮಕ್ಕಳ ಶಿಕ್ಷಣಕ್ಕೆ ಬಳಸಲಾಗುವುದು. ಅವಿರತ ಟ್ರಸ್ಟ್ ನ ಮೂಲಕ ಈ ಕಾರ್ಯ ಕೈಗೆತ್ತಿಕೊಳ್ಳಲಾಗುವುದು

೨೦೧೪ ರಲ್ಲಿ ಪ್ರಾರಂಭವಾದ ಈ ಯೋಜನೆಗೆ ಇದುವರೆಗೆ ಇಲ್ಲಿ ಭಾಗಿಯಾದ ಸಾಹಿತಿಗಳಾಗಲೀ, ಚಿತ್ರ ನಟರಾಗಲೀ ಯಾವುದೇ ಪ್ರತಿಫಲಾಕ್ಷೆ ಇಲ್ಲದೆ ನಮ್ಮೊಂದಿಗೆ ಕೈ ಜೋಡಿಸಿದ್ದಾರೆ. ಮೊದಲ ಬಾರಿಗೆ ಬಂದ ಆರು ಕತೆಗಳ ಆಡಿಯೋ ಸಿ.ಡಿ ಗೆ ನಾಡಿನಾದ್ಯಂತ ಎಲ್ಲ ವರ್ಗದ ಜನರಿಂದ ಬರಪೂರ ಬೆಂಬಲ ಪ್ರಾಪ್ತವಾಗಿದೆ.  

ಈ ಆಡಿಯೋ ಬುಕ್ ಯೋಜನೆಗೆ ಸಿಕ್ಕ ಜನರ ಪ್ರತಿಸ್ಪಂದನೆ ತಿಳಿಯಲು ಈ ಕೆಳಗಿನ ಲಿಂಕ್ ಒತ್ತಿ. 
ಈ ಕೆಳಗಿನ ಲಿಂಕ್ ಒತ್ತಿ Click https://www.facebook.com/KeliKatheya https://www.facebook.com/KeliKatheya 

 ಮಾಧ್ಯಮದಲ್ಲಿ ಬಂದ ವರದಿಗಳನ್ನ ಓದಲು ಈ ಲಿಂಕ್ ಒತ್ತಿ https://kelikatheya.com/Press.html 

ಮೊದಲ ಸಂಚಿಕೆಯ ಜೊತೆಗೆ ನಾವೀಗ ಎರಡನೆ ಸಂಚಿಕೆಯೊಂದಿಗೆ ನಿಮ್ಮೆದುರು ಬಂದಿದ್ದೇವೆ. ಕನ್ನಡದ ಆಯ್ದ ೧೩ ಕತೆಗಳ ಆಡಿಯೋ ರೂಪದಲ್ಲಿ ನಿಮ್ಮೆದುರಿಗಿದೆ. ನಾಡಿನಾದ್ಯಂತ ಎಲ್ಲ ವರ್ಗದ ಜನರಿಂದ ಬರಪೂರ ಬೆಂಬಲ ಪ್ರಾಪ್ತವಾಗಿದೆ.